Teks Khutbah Idul Fitri 1446 H/2025 Bahasa Bugis Mudah Dimengerti dan Bermakna

kaminang masero awatangenna sangadikku iya maneng? Tenna fetangngariwi ancajingenna fole ri sese—Na Fuang Allahu Ta’ala. Fuang kaminang maseroE awatangeng—Na? nafada engkai ri laleng assakareng—na ri sesena tanra-tanra Akowasangeng—Na FuangE. Nainappani iwerungeng anging masero rukka ri siare’ esso temmaufe’E ri sesena, Ifuelorengngi sarekkoammeng nafada perasai faccallang mappakatunaE ri akkatuwongeng linona. Namanessani fappewalena akherana maserofi mappakatuna—na natengengka na lolongeng fattulung” (QS Fushshilat [41]: 15-16)

Allahu Akbar (3x) wa liLlahi al-hamd Ma’asyiral Muslimin rahimakumullah, Iyae essoE, fada maddeppungekki ri abetangeng—ta nasaba aggangkullengetta mewai nafessuE. Ininiriwi anu hallala’E nasaba fada engkaki mappuasa ri essona. Tengengka awaraningeng malluka fuasa, namoni meseroi cinnata nasaba tennarafipi wettunna buka. Iferasaiwi angengkangenna Fuang Allahu Ta’ala simata Natuju mataki. Jaji hakeka’na alleppereng pittara’E sitongenna ada iyanaritu turu fada toha narampewe fangulutta Imam Ali radhiyallahu ‘anhu makkeda:

لَيْسَ العِيْدُ لِمَنْ لَبِسَ الجَدِيْدَ، وإنَّما العِيْدُ لِمَنْ أمِنَ الوَعِيدَ #لَيسَ العيدُ لِمَنْ لَبِسَ الجَدِيْدَ؛ إنما العيدُ لِمَنْ طَاعَاتُه تَزِيدُ

لَيْسَ العِيدُ لِمَن تَجَمَّلَ بِاللِبَاسِ والرُكُوبِ؛ إنما العِيْدُ لِمَنْ غُفِرَتْ لَهُ الذُنوبُ.(لطائف المعارف 277)

Tannia alleppereng ri sesena to mabbaju baruE, neekiya ri asengngE alleppereng iyanaritu ri tujunna rufa tawu salama’E fole ri faccallang maserona naraka. Tannia alleppereng ri sesena to mabbaju baruE, neekiya ri asengngE alleppereng iyanaritu ri tujunna rufa tawu fede’ maseroE atunrukenna. Tannia alleppereng ri sesena to mabbaju baruE iyaregga ‘makketonangeng’ baruE, neekiya ri asengngE alleppereng iyanaritu ri tujunna rufa tawu iyaddampengengngE dosa-dosana.

Ma’asyiral Muslimin rahimakumullah, Rufa tawu iya engkaE leppe’ fole ri fassena naraka, fede’ maseroi atunrukeng—na enrengngE iyaddampengengngE dosana iyanaritu rufa tawu mappunnangiE ametawureng nasaba teppe’ simata. Iyakkeppaha na ifassadiangeng fappewale’ suruga fammase—Na Fuang Allahu SWT:

وَسَارِعُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ ﴿١٣٣

“Apperiferiko tu mennang lolongengngi addampeng—Na fuangmu nennia suruga fammase—Na iya engkaE lowang—na sillowang langi’E nennia tanaE ifassadiyangengngi ri tujunna to metawu’E ru Fuang—Na” (QS Ali Imran [3]: 133)

Allah SWT berfirman: Fada iyajeppuini makkeda, naiya fuasaE mappancaji rufa tawu maseroE ametawureng—na. Ri makkedana Fuang Allahu SWT:

يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ ﴿١٨٣

“E, sininna to mateppe’E, fura iwajikengngi ri sesemu tu mennang mappuasa turu’ fada toha fura iwajikengngi ri to maddiolomu sarekkowammengngi fada mulolongengngi ri asengngE ametawureng (taqwa)”. (QS Al-Baqarah [2]: 183)

Naiya ri asengngE “taqwa” fole ri ada “waqa” bettuwanna mabbere allinrungeng. Allinrungeng fole ri faccallang—Na Fuang Allahu SWT. Fekkogai carana na ilolongeng allinrungengngE? iyanaritu simata pasilennerengngi fassurowang—Na nennia muaniniriwi

fappesangka—Na. Fukangkai hallala’E sampeangngi anu harangngE ri akkatuwongemmu, mulolongengngi matti allinrungeng—Na Imam Ibnu Jarir ath-Thabari, mappallebbang ri laleng tafsere’na makkeda: bettuwanna ada ri ayat malebbina Fuang Allahu Ta’ala (QS. Al Baqarah: 2), turu’ fada toha fura narampe Al Hasan ri tujunna to metawu’E nasaba teppe’na, makkeda, “Naiya to metawu’E iyanaritu to maseroE ametawurenna ri sesena sewwa-sewwa fura Naharangengng FuangngE ri watakkalena nainappani simata mappukangngka amala’ furaE Napparelluwang Fuang Allahu Ta’ala ri alena.” Jaji ri asengngE to mappunnangiE taqwa, tengengka amatanekeng ri ininnawana namoni sikalice’ fole ri farenta—Na Fuang Allahu SWT nennia fappettuwanna Nabitta SAW. Makkedai Fuang Allahu SWT :

فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا ﴿٦٥

“Nasaba Aseng—Na Fuang—mu, majeppu temmateppe’i sangadinna fura nafancaji ko tu mennang (Muhammad) fappettu kara-kara ri appangewangeng—na gangka tengengka amatanekeng ri atinna ri tujunna fappettuwammu nainappani natarima nasaba ininniwa madeceng” (QS An-Nisa [4]: 65)