Teks Khutbah Idul Fitri 1446 H/2025 Bahasa Bugis Mudah Dimengerti dan Bermakna

Allahu Akbar (3x) wa liLlahi al-hamd Ma’asyiral Muslimin rahimakumullah,

Nasaba to baruki lulusu’ fole ri ujianna uleng ramalang, temmammukkai narekko temmassaileki ri AkorangngE iyakkeppaha naisampeangng. Narekko ibacai mancaji fakkasiwiang nennia appalang maraja, neekiya tenri bacami bawang gangkanna iyafala, iyakkeppaha AkorangngE farellui iyajeppui nawedding ifukangka lise’na ri akkatuwongetta. Ajakkammengngi na imusabaqah bawang, tenri fajokka lise’na, maddeppungengki narekko wenni nuzulul qur’an neekiya tenri saile fappangaja’na, ifakalebbi angengkangenna neekiya tenri jampangi appattentuwanna Fuang Allahu Ta’ala iya engkaE ri laleng—na. Iyakkalitutui lise’na sarekkowammengngi na tengengka falessu, neekiya ifajokka sala lise’na. Iyengau mancaji pedomang neekiya isampeang mancaji sumber hukum. Tenri fakkeguna ri apparentangengngE neekiya hukum fole ri fadatta rufa tawu ifancaji aturan. Jaji fada akkali tutuki! Turu’ fada toha abberekkadana Anas bin Malik iya taroki’E ri kitta’na Imam Ghazali Al-Mursyidul Amin, hal 65:

رب قارئ للقرآن وْالقرآن يلعنه

“Siaga egana rufa tawu mabbaca Akorang neekiya itanroi ri AkorangngE.”

Aga saba’na? nasaba nabacami bawang neekiya nasampeangngi lise’na, lebbifi ri sesena ri to mapparentaE nasaba nappunnangiwi awatangeng neekiya tennasailei Akorang Malebbi’E.

Allahu Akbar (3x) wa liLlahi al-hamd Ma’asyiral Muslimin rahimakumullah, Narekko makkalippessang—ki fole ri AkorangngE, ancuru’i wanuatta nasaba nafessu ifaddiolo. Itaro ri monri ametawuretta ri Fuang Allahu Ta’ala nennia atunruketta ri Nabitta SAW. Jaji aja tafada

maseleng naekko agama sellengngE iyajeppui mancaji assaleng assisalana rufa tawuE nennia sumber inspirasi radikalisme enrengngE ekstrimisme. Iyanae akkasolangeng manessa ituju mata. Ada tongeng mancaji sala, ada sala ifattongeng. To mapparentaE melle’peru ri to nafarentaE. To malemmaE iluta-luta ri to mawatangngE. Lennye’ni assiamekengngE tarompo’ni nafessu akoasangengngE.
Nafada iyajeppui makkeda naiya agama sellengngE, ya’lu wala yu’la alih, tengengka beta alebbirenna agama sellengngE nasaba atanrengenna nenni alebbirenna. Ifaturung nasaba maleka’ malebbi Jibril alaihissalam, natarimai lima mafaccinna tau kaminang malebbi’E Rasulullah Muhammad SAW. Tenna tarimai akkaleng narekko engka mappuada makkeda, naiya agama sellengngE mancaji assaleng—na akkasolangengngE? Iyakkeppaha agama sellengngE, nassabari nancaji khairu ummah umma sellengngE. Nasaba khilafah, sistem apparentangenna umma sellengngE nassabari naferasaiwi akkatuwongeng masero lebbi rufa tawuE enrengngE nalolongengngi Rio—Fammase—Na Fuang Allahu SWT. Mamuare alleppereng pittara—ta mancaji laleng to fada tappinra mancaji to baru, ebarana fella-fellaE makessingngE balona namasennang ininnawaki tuju matai. Fole ri atappinrangenna ri laleng ‘kepompong ramadhan’. Tunru mannennungeng temmappettu ri Fuangna. Ricappa katobbaki, fadallaoni mai siyakkatenning ifamasse’i assisompungetta ifabelaiwi assilaingetta (furu’iyah). Ifatokkongngi syariah asellengetta, nasaba atettongenna sanre ri Akorang malebbi’E nennia haddese’na Nabitta SAW. Akkatuwongeng malebbi nasaba asellengetta. Kiingngereangngi Abberekkada—Na Fuang Allahu SWT makkeda:

يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ

“E, sininna to mateppe’E fukangkai farenta—Na nennia Suro—Na nareko muajeppuini farentaE iya engakE mabbere akkatuwongeng ri sesemu tu mennang.” (QS Al-Anfâl [8]: 24)

Mamuare Fuang Allahu SWT simata Natulungki, Natarimai fuasata, Nabaliwi farellau doangetta. Nennia Nafassadiangekki suruga Fammase—Na. Aamiin

KATOBBA MAKADUAE

للهُ اَكْبَرْ ، اللهُ اَكْبَرْ ، اللهُ اَكْبَرْ

للهُ اَكْبَرْ ، اللهُ اَكْبَرْ ، اللهُ اَكْبَرْ ، اللهُ اَكْبَرْ

اللهُ اَكْبَرْ كبيرا وَاْلحَمْدُ للهِ كَثِيْرًا وَسُبْحَانَ الله بُكْرَةً وَ أَصْيْلاً، لاَ اِلَهَ اِلاَّ اللهُ وَاللهُ اَكْبَرْ، اللهُ اَكْبَرْ وَ ِللهِ اْلحَمْدُ

اْلحَمْدُ للهِ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ. وَاَشْهَدُ اَنْ لاَ اِلَهَ اِلاَّ اللهُ وَاللهُ وَحْدَهُ لاَ شَرِيْكَ لَهُ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ